Yarın böyun qucaqladım yar ağladı mən ağladım
Yığışdı qonşular butun car ağladı mən ağladım
Başında qar qalan dağa danışdım ayrılıq sözun
Bir ah çəkib başındakı qar ağladı mən ağladım
بؤلوم لر: jaefari،
ساوالان"
اوچور ايلهاميم او قوشلار كيمي كي ياز وعده سينده
قووزانير ماوي گويه تا اوجا باش بير داغا قونسون
كورپه قارتال كيمي دير
بؤلوم لر: jaefari،
باخديم داليسيجا يار گئدنده
بير يولدا دئديم باخار گئدنده
باخدي قاپيدان گئچنده گولدو
بيلميردي اوره‌ك اومار گئدنده
بؤلوم لر: jaefari،
Turkçə Hafiz Qəzəllari
(azər puya)
Ustad məhəmməd nəqi nasirolfuqəra
Amandir sənləiəm saği ğətir badə içə ellər*
ki eşg asanimiş əvvəl sora başlandi muşkillər
Bu arzilə ki ol saçdan səba ənbər saçar bir gun*
törəndi qap qara qivərimli saçdan bollu nisgillər
بؤلوم لر: ،
فلكين قانلي اليندن بير آتيلميش يئره اندي،
بير فلاكت آنانين جان شيره سيندن سودون امدي،
بوللو نيسگيل شله سين چيگنينه آلدي .
تاي توشوندان دالي قالدي،
ساري گول مثلي سارالدي.
گونو تك باغري قارالدي.
بؤلوم لر: ،
Ğəliram
ğəlirəm yurduma ölmuş ğartallarin
ğorəm
ğəlirəm dayanmiş serçə ğurdaxlarina
ayilmaz dağlarina unutulmuş yaşlarina
yollarina ana ğardaşlarina
yanliz istəmirəm ağri ğorəm
yurduma yananlarin əllərini bağli
ğorəm
tulkulər ucalansin aslanim dali ğalsin
urəğin dağli gorəm
bu dərin şaxtada ki Ğunuz aydinliği
yox
yansa da dəyərlərim
atəşin işiği yox
*ikisu* Təbriz 1392915
بؤلوم لر: ،
آغ آتيم ، قول قاناتيم
آت قدمين يورتمه يئري
آش تپه لردن
سيلديريم تك سره لردن
سئله سينميش دره لردن
بو نه طوفاندي گؤزل كه ليگيمي
ايستير آييرسين فره لردن
غيرتيم جوشه گلير غملي خبردن
آغ آتيم – قورخما خطردن
*
آغ آتيم قول ، قاناتيم
شيهه چك ، قوي سسيوه
بلكه ياتانلاردا اؤيانسين
ياتماغين واختي دگيل دورسون اوتانسين
ياتانين عؤمرو تالانسين
تازا نعلين وار آتيم
چال بو داغين سينه سينه ، قوي پارالانسين
چال داغين سينه سي باتسين ، يارالانسين
داشي داشدان ، آرالانسين
*
بؤلوم لر: ،
قرآن قيشقيردي
بير گئجه آسديلار آسلانلاري دان قيشقيردي
قورقوشوملار سينه سينده گول آچان قيشقيردي
زالي لار سوردولا دؤرت دؤره دن انديشه لرين
قدد و قامت يئره دوشدوكجه آذان قيشقيردي
قيزلارين ناله سي قاوزاندي بولودلار دؤشونه
هاوالار شاققدي گؤردوم ساوالان قيشقيردي
قاراليقلاردا قارانليق تؤره دن بايقوشلار
چاپديلار آيه لر اوستونده ، قرآن قيشقيردي
بيري نين قيش تاياسين دامدا گاميشلار سؤكدو
بير آريق توخلو آجيندان باجادان قيشقيردي
گئجه بير واقت بئله سونجولدو تيكانلار دؤشونه
واي دئيه ر كن دوداغين يومدو تيكان قيشقيردي
هر گئجه هر يئني بير بابكه نئشتر ده يدي
آت گؤلوندن قارا قاشقا اوجادان قيشقيردي
داغلارين شيهه سي آز قالدي يئري شاققالاسين
قولاغيم باتدي دئديم يئر گؤي الان قيشقيردي
سازي سينديرديلا آل ماهني لارين قوينوندا
هر سازين توزلو تئليندن مين اوزان قيشقيردي
دري سين سويدولا گؤز باخدي ديلي آخ دئمه دي
سويولان گولدو او بير لحظه سويان قيشقيردي
ايسته ديم شعري عروض ايله يازام بير كلمه
قيشقيريق سالدي ياپيشدي هيجادان قيشقيردي
بؤلوم لر: ،