Türkün dili tək sevgili istəkli dil olmaz
Özgə dilə qatsan bu əsil dil əsil olmaz
Öz şerini farsa ərəbə qatmasa şair
Şeri oxuyanlar eşidənlər kəsil olmaz
Fars şairi çox sözlərini bizdən aparmış
SABİR“ kimi bir süfrəli şair pəxil olmaz
Türkün məsəli folkolori dünyada təkdir
Xan yorqanı kənd içrə məsəldir mitil olmaz
AZƏR qoşunu qeysəre rumi əsir etmiş
Kəsra sözüdir bir belə tarix nağıl olmaz
Pişmiş kimi şerin də gərək dad duzu olsun
Kənd əhli biləllər ki doşabsız xəşil olmaz
Sözlərdə cəvahir kimidir əsli bədəldən
Təşxis verən olsa bu qədər zir zibil olmaz
Şair ola bilməzsən anan doğmasa şair
Mis sən abalam hər sarı köynək qızıl olmaz
Çox qıssa boy olsan olusan cin kimi şeytan
Çox da uzun olma ki uzun da əqil olmaz
Məndən də nə zalim çıxar oğlum nə qisasçı
Bir dəfə buni qan ki ipəkdən qızıl olmaz
Azad qoy oğul eşqi təbiətdə bilinsin
Dağ daşda doğulmuş dəli ceyran hemil olmaz
İnsan odu tutsun bu zəlil xəlqin əlindən
Allahi sevərsən belə insan zəlil olmaz
Çox da ki sərabın suyu var yağ balı vardır
Baş ərşə də çatdırsa sərab ərdəbil olmaz
Millət qəmi olsa bu cocuqlar çöpə dönməz
Ərbablarımızdan da qarınlar təbil olmaz
Düz vaxta dolar taxta tabax ədviəilə
Onda ki nənəm sancılanar zəncəfil olmaz
Bu “ŞƏHRİYAR″ın təbi kimi çimməli çeşmə
Kosər ola bilsə demirəm səlsəbil olmaz
Soy : << Ustad Şəhriyar - 1969 >>
بؤلوم لر: jaefari،